මිනිස් සන්තානය හා වර්තමානය

 පුද්ගල සංවර්ධනය,ආගම,දහම,සදාචාරය වැනි මාතෘකා වර්තමානයේ බොහෝ සෙයින් අසන්නට, දකින්නට ලැබේ.මාධ්‍ය සංදර්ශන පවත්වමින් විවිධ නාලිකා ඔස්සේ මිනිස් සන්තානයට කිදාබැස මිනිසාගේ සිතුවිලි ඔවුන් අතට පත් කරගනිමින් මනස විකෘති තත්වයට පත් කර ගෙන ඇති  බවද පැහැදිලි වේ.

මුහුණු පොත හරහා  පුද්ගලයා  තමන් ගැන සිතනවාට වඩා අන් අයගේ තොරතුරු සෙවීමට,කතා කිරීමට හා පහත් රසවින්දනාත්මක දේවල් වලට කාලය වැය කිරීමට බොහෝ සෙයින් පෙළඹී ඇත.ජංගම දුරකතනයට ජීවිතයේ ඉහලම ස්ථානය ලබා දී තම වටිනාම මෙවලම එය බව සිතා කටයුතු කරන යුගයකි. මේ.

පුද්ගලයාගේ තම සිතුවිලි තුල හුදකලා බවට පත් වීමටත්,කායික ,මානසික හා සමාජීය සෞඛ්‍යයේ පිරිහීමට ලක් වෙමින් සිටී.

පිරිපුන් මිනිසුන් වෙනුවට ගතින් සිතින් මලානික  වූ මිනිසුන් වර්තමාන සමාජය තුල වැඩි වෙමින් පවතී. 

එබැවින් පවුල්  සංස්ථාව තුල ඇති බැදීම,ආදරය,සහයෝගය වැනි උසස් ගුණාංග පිරිහීමට පටන් ගෙන ඇත.

වටින්නේ මිනිසෙකු නොව වටිනා මිනිසෙකි

යන සංකල්පය සමාජය තුලට කාන්දු කළ යුතු යුගයකි මේ.

පුද්ගලයා මුලින් සිතිය යුත්තේ තමන් ගැනය.මුලින්ම ආදරය කල යුත්තේ තමන්ටය.මන්ද තමන්ට ආදරයක් නැති  පුද්ගලයා වෙනත් කෙනෙකුට  ආදරය කරන්නට පෙළඹෙන්නේ නැත.තමන්ගේ වටිනාකම තමන්ටම දැනිය යුතුය.

එසේනම් තම ජීවිතය තුලට කිදාබැස තමා ගැන ගවේෂණය කිරීමට කාලය එළඹ තිබේ.ඔබ ඔබ ගැනම සිතන්න.ඔබ පොහොසත් විය යුත්තේ ඔබගේ යහපත් සිතුවිලි වලින්ය.ඔබගේ සිතුවිලි ධනාත්මකද?ඔබ සතුටින් ද?

01.දුක,සතුට, තරහ,කෝපය වැනි ඕනෑම චිත්ත වේගයකට ඔබට හොඳින් මුහුණ දිය හැකිද?

02.ඔබ ගැන පරාජිත හැගීම් වලට වඩා ධනාත්මක හැගීම් වලින් ඔබ ප්‍රබෝධමත් කරයිද?

03. සැම විටම ඔබගේ දුර්වලතාවයන් ඇත්නම් එය පිළිගන්නට ඔබ කැමතිද?

04.ඔබ ගැන අධි තක්සේරුවක් හෝ අව තක්සේරුවක් ඇති කර නොගනීද?

05.අන් අය සමඟ සුහද  සම්බන්ධතාවයන් ගොඩ නගා ගැනීමට පහසුවෙන් හැකිවේද?

06.අන් අයගේ සිතුම් පැතුම් අවබෝධ කරගැනීමට උත්සාහ දරයි ද?

07.එසේම පුද්ගල විවිධත්වයන් ගරු කරමින් ඔවුන් සමග එක්ව වැඩ කිරීමට හැකිද?

08.නව අත්දැකීම් ලබා ගැනීමට උත්සාහ දරයි ද, කැමත්තක් දක්වයිද?

09.ඔබට පැවරෙන කාර්යයන් උසස් ලෙස නිම කිරීමට සැම විටම උත්සාහ කරයිද?

10.ජීවත් වීමේදී ඇති වන ගැටලු වලට සාර්ථකව මුහුණ දීමට හැකිද?

  විශේෂයෙන් ඔබ වැඩිපුරම සිටින්නේ සතුටින් ද,නැතහොත් දුකෙන් හෝ කලකිරීමෙන් ද?

ඔබ සතුටින් නම් ඔබ හමුවට එන ගැටලු වලින් පලා යෑමට උත්සාහ දරන්නේ නැත.ඔබ සතුටින් නම් ඔබට අන්‍යයන්ගේ තරහව,කෝපය වැනි චිත්තවේගික තත්වයන් හමුවේ ආවේගශීලී වන්නේ නැත.

මිනිස් සන්තානය තුල ඇතිවන සිතුවිලි යහපත් කර ගැනීමට තමා ගැනම ගවේෂණය කර තමා හදුනා ගැනීමට කාලය වෙන් කළ යුතු කාලයකි මේ.සිතුවිලි යහපත් වීම අහඹු දෙයක් නොව අප පුරුදු පුහුණු කර ගත යුතු දෙයකි.වර්තමානයේ සමාජ අවශ්‍යතාවය  වන්නේ ද එයයි.උත්සාහ දරමු.යහපත් වෙමු.....

✍✍✍✍ හිරු✍✍✍✍